ബ്രഹ്മപുരം തീപിടുത്തം : മന്ത്രി വീണാ ജോര്ജിന്റെ നേതൃത്വത്തില് ഉന്നതതല യോഗം ചേര്ന്നു.
ആരോഗ്യ പ്രവര്ത്തകര് വീടുകളിലെത്തി സര്വേ നടത്തും
കൊച്ചി : ബ്രഹ്മപുരം തീപിടിത്തത്തെ തുടര്ന്നുള്ള ആരോഗ്യ പ്രശ്നങ്ങള് ചര്ച്ച ചെയ്യാന് ആരോഗ്യ വകുപ്പ് മന്ത്രി വീണാ ജോര്ജിന്റെ നേതൃത്വത്തില് ഉന്നതതല യോഗം ചേര്ന്നു. ആരോഗ്യ പ്രവര്ത്തകര് വീടുകളിലെത്തി സര്വേ നടത്തും. തീപിടിത്തവും പുക ശ്വസിച്ചതുമായി ബന്ധപ്പെട്ടുള്ള രോഗലക്ഷണങ്ങള് ഉള്ളവരുണ്ടെങ്കില് അവരെ കണ്ടെത്തി വിദഗ്ധ ചികിത്സ ഉറപ്പാക്കും. കുട്ടികള്, പ്രായമായവര്, ഗര്ഭിണികള്, മറ്റ് രോഗമുള്ളവര് എന്നിവര് പ്രത്യേകം ശ്രദ്ധിക്കണം. ശ്വാസകോശ സംബന്ധമായ ബുദ്ധിമുട്ടുള്ളവര് എത്രയും വേഗം ഡോക്ടറെ കാണേണ്ടതാണ്. എല്ലാ ആശുപത്രികളിലും മതിയായ സൗകര്യങ്ങള് ഉറപ്പ് വരുത്താനും മന്ത്രി നിര്ദേശം നല്കിയിട്ടുണ്ട്.
