ന്യൂഡല്‍ഹി: റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനിക്കും കുടുംബത്തിനും ഇസെഡ് പ്ലസ് സുരക്ഷ നല്‍കണമെന്ന് സുപീം കോടതി പ്രത്യേക നര്‍ദ്ദേശം. രാജ്യത്തിനകത്തും വിദേശത്തും മുകേഷ് അംബാനിക്കും കുടുംബത്തിനും ഇസെഡ് പ്ലസ് സുരക്ഷ ഉറപ്പാക്കണമെന്നാണ് കോടതിയുടെ ഉത്തരവ്. സുരക്ഷ നല്‍കുന്നതിന് ആവശ്യമായ ചെലവ് അംബാനി കുടുംബം തന്നെ നല്‍കണമെന്നും കോടതി നിര്‍ദ്ദേശിക്കുന്നു. ജസ്റ്റിസ് കൃഷ്ണ മുരാരി, അഹ്‌സാനുദ്ദീന്‍ അമാനുള്ള എന്നിവരടങ്ങിയ ബെഞ്ചിന്റേതാണ് ഈ നിര്‍ദ്ദേശം. അംബാനി കുടുംബത്തിന് ഇസൈഡ് പ്ലസ് സുരക്ഷ ഉറപ്പാക്കണമെന്ന് കേന്ദ്ര ആഭ്യന്തര മന്ത്രാലയത്തിനും മഹാരാഷ്ട്ര സര്‍ക്കാരിനും കോടതി നിര്‍ദ്ദേശം നല്‍കിയിട്ടുണ്ട്. മുകേഷ് അംബാനിക്കെതിരെ വിവിധ കോണുകളില്‍ നിന്ന് വലിയ രീതിയിൽ ഭീഷണി ഉയരുന്നുണ്ടെന്നും രാജ്യത്തിന്റെ സാമ്പത്തികരംഗം അസ്ഥിരമാക്കുക എന്നതാണ് ഇതിന്റെ പിന്നിലെ പ്രധാനലക്ഷ്യമെന്നും കോടതിയില്‍ വാദം ഉയര്‍ന്നു. രാജ്യത്തിനകത്തും പുറത്തും ഈ സ്ഥിതിയുണ്ടെന്നും കോടതി നിരീക്ഷിക്കുന്നു
