പുന്നയ്ക്കാട്ട് ഗ്യാസ് സിലിണ്ടറിൽ നിന്ന് തീ പടർന്ന് നാല് കടയും വായനശാലയും അഗ്‌നിക്കിരയായി,
നെയ്യാറ്റിൻകര . പുന്നയ്ക്കാട്ട് ഗ്യാസ് സിലിണ്ടറിൽ നിന്ന് തീ പടർന്ന് നാല് കടയും വായനശാലയും
അഗ്‌നിക്കിരയായി. വെള്ളിയാഴ്ച വൈകിട്ട് ഏഴുമണിയോടെ
നെയ്യാറ്റിൻകരയ്ക്ക് സമീപം പുന്നയ്ക്കാട് ജങ്ഷനിലാണ് സംഭവം. ഒരു ഹോട്ടൽ,
ബാർബർഷോപ്പ്, പച്ചക്കറികടയും, വായനശാല എന്നിവയാണ് തീയിൽ അമർന്നത് .
നെയ്യാറ്റിൻകര ഫയർഫോഴ്സ് സഥലത്തെത്തിയപ്പോഴേക്കും കടകളും വായനശാലയും
കത്തിനശിച്ചിരുന്നു. ഒരു ആളപായവും റിപ്പോർട്ട് ചെയ്തിട്ടില്ല.
നാട്ടുകാരുടെയും പോലീസിൻറെയും ഫയർഫോഴ്സിൻറെയും സമയോചിതമായ ഇടപെടൽ മൂലം അനിഷ്ട
സംഭവങ്ങളും ആളപായവും ഒഴിവായി . നാട്ടുകാരുടെ സമയോചിതമായ ഇടപെടൽ മൂലം ജനസാന്ദ്രതയേറിയ
ഈ പ്രദേശത്ത് വൻവിപത്താണ് ഒഴിവായത്.
