ഐപിഎല്‍ കഴിഞ്ഞതിനു പുറകെ രണ്ടേമുക്കാല്‍ കോടി ചെലവഴിച്ച്‌ ലക്ഷ്വറി വാഹനം സ്വന്തമാക്കി ശ്രേയസ് അയ്യര്‍,
ഐപിഎല്‍ സീസണ്‍ പതിനഞ്ചു കഴിഞ്ഞതിനു പിന്നാലെ ആഡംബര വാഹനം തന്റെ ഗ്യാരേജില്‍ എത്തിച്ച്‌ ഇന്ത്യന്‍ മുന്‍നിര ബാറ്ററും കൊല്‍ക്കത്ത നൈറ്റ് റൈഡേഴ്‌സ് നായകനുമായ ശ്രേയസ് അയ്യര്‍.
മെഴ്‌സിഡസ് ബെൻസിന്റെ എഎംജി ജി 63 4 മാറ്റിക് എസ്.യു.വി. ആണ് ശ്രേയസ് സ്വന്തമാക്കിയത് . ഏകദേശം രണ്ടേമുക്കാല്‍ കോടി രൂപ ചെലവഴിച്ചാണ് ഈ ആഡംബര വാഹനം ശ്രേയസ് സ്വന്തമാക്കിയത്. ജി-വാഗണ്‍ സീരിസിലെ ഏറ്റവും വിലപിടിപ്പുള്ള ആഡംബര വാഹനമാണ് ഇത്. പൂജ്യത്തില്‍ നിന്ന് നൂറ് കിലോമീറ്റര്‍ വേഗതയിലേക്ക് എത്താന്‍ വെറും നാലര സെക്കന്റ്‌ മതിയാകും ഈ വാഹനത്തിന്.
