ഗോവ ബീച്ചില്‍ കോളേജ് വിദ്യാര്‍ത്ഥിനിയെ കുത്തിക്കൊലപ്പെടുത്തി കാമുകന്‍; മൃതദേഹം കുറ്റിക്കാട്ടില്‍ ഉപേക്ഷിച്ച്‌ കടന്നു
പനാജി: ബന്ധം തുടരാന്‍ നിരസിച്ചതിന്റെ പേരില്‍ പത്തൊന്‍പതുകാരിയെ ഗോവ ബീച്ചില്‍ കുത്തിക്കൊന്ന ശേഷം രക്ഷപ്പെടാൻ ശ്രമിച്ച യുവാവ് അറസ്റ്റില്‍
ഗോവയിലെ വെല്‍സോണ്‍ ബീച്ചില്‍ കഴിഞ്ഞ ബുധനാഴ്ചയാണ് സംഭവം നടന്നത്. ന്യൂ വാദെം സ്വദേശിനിയായ ദിയ നായിക്കിനെയാണ് കൊലപ്പെടിത്തിയത്.
ഗോവ വാസ്‌കോയിലെ ന്യൂ വാദെം സ്വദേശിയായ കിഷന്‍ കലംഗുത്‌കര്‍ (26) ആണ് ഇന്നലെ യുവതിയുടെ മൃതശരീരം കണ്ടെത്തിയതിനെത്തുടര്‍ന്ന് അറസ്റ്റിലായത്. കൊല്ലപ്പെട്ട കോളേജ് വിദ്യാര്‍ത്ഥിനിയോടൊപ്പം ബുധനാഴ്ചയാണ് പ്രതി വെല്‍സോണ്‍ ബീച്ചില്‍ എത്തിയത്.
ഇവിടെവച്ച്‌ ഇരുവരും ബന്ധം മുന്നോട്ട് കൊണ്ടു പോകുന്നത് സംബന്ധിച്ച്‌ വാക്കുത്തര്‍ക്കമുണ്ടാകുകയും കിഷന്‍ യുവതിയെ ബീച്ചില്‍ വച്ചുതന്നെ നിരവധി തവണ കുത്തുകയും മരണം ഉറപ്പാക്കിയശേഷം . മൃതദേഹം സമീപത്തെ കുറ്റിക്കാട്ടില്‍ ഉപേക്ഷിച്ച്‌ കടന്നുകളയുകയും ചെയ്തു. തുടര്‍ന്ന് പൊലീസ് നടത്തിയ തിരച്ചിലിനൊടുവിൽ കിഷനെ അറസ്റ്റുചെയ്യുകയായിരുന്നു.
