ഷവര്മ വില്ലനായി , കാസര്കോട് ഭക്ഷ്യവിഷബാധയേറ്റ 16കാരി മരിച്ചു
Sunday, May 01, 2022
0
ഷവര്മ വില്ലനായി , കാസര്കോട് ഭക്ഷ്യവിഷബാധയേറ്റ 16കാരി മരിച്ചു; നിരവധിപേര് ആശുപത്രിയിൽ, 
കാസര്കോട്: ചെറുവത്തൂരില് ഷവര്മ കഴിച്ച് ഭക്ഷ്യവിഷബാധയേറ്റ വിദ്യാര്ഥിനി മരിച്ചു.
ചെറുവത്തൂര് സ്വദേശിനി ദേവനന്ദ (16) ആണ് മരിച്ചത്. കാഞ്ഞങ്ങാട് ജില്ലാ ആശുപത്രിയില് ചികിത്സയിലിരിക്കേയായിരുന്നു മരണം.
ചെറുവത്തൂരിലെ കൂൾബാറിൽനിന്നും ഷവര്മ കഴിച്ചതിനെ തുടര്ന്ന് കുട്ടിക്ക് ദേഹാസ്വാസ്ഥ്യം അനുഭവപ്പെടുകയായിരുന്നു. വെള്ളി, ശനി ദിവസങ്ങളില് ഈ കൂള്ബാറില് നിന്ന് ഷവര്മ കഴിച്ച നിരവധിപേര് നിലവിൽ വിവിധ ആശുപത്രികളില് ചികിത്സ തേടിയിട്ടുണ്ട്. കൂടുതലും കുട്ടികളാണ്.
ഷവര്മ വാങ്ങി വീട്ടില് കൊണ്ടുപോയി കഴിച്ച മാതാപിതാക്കളും ചികിത്സ തേടിയിട്ടുണ്ട്. ഭക്ഷ്യവിഷബാധയേറ്റവര്ക്കെല്ലാം ഒരേ ലക്ഷണങ്ങളാണ്. ഛര്ദി, പനി തുടങ്ങിയ ലക്ഷണങ്ങളാണ് പ്രകടമായത്. നേരിയ ലക്ഷണങ്ങള് ഉള്ളവര് പ്രാഥമിക ചികിത്സ ലഭിച്ച ശേഷം വീടുകളിലേക്ക് മടങ്ങി. ഏകദേശം 14 പേര് വിവിധ ആശുപത്രികളിലായി ഇപ്പോള് ചികിത്സയില് കഴിഞ്ഞു വരികയാണ്.
