കുട്ടികള്ക്കെതിരായിട്ടുള്ള ലൈംഗിക കുറ്റകൃത്യങ്ങള് കൂടി, സ്കൂളുകളില് ബോധവത്കരണം നിര്ബന്ധമാക്കണമെന്ന് ഹൈക്കോടതി,
കൊച്ചി: കുട്ടികള്ക്കെതിരായ ലൈംഗിക കുറ്റകൃത്യങ്ങള് വലിയ രീതിയില് വര്ധിക്കുന്നുവെന്ന് ഹൈക്കോടതി.
പോക്സോ കേസ് പ്രതിയുടെ ജാമ്യാപേക്ഷയിലാണ് കോടതിയുടെ ഈ നിരീക്ഷണം. ഇത്തരം കേസുകളില് പ്രതികള് ആകുന്നത് സ്കൂള് കുട്ടികളോ ചെറിയ പ്രായത്തില് ഉള്ളവരൊ ആണ്. കൗമാരപ്രായക്കാരില് ലൈംഗിക ബന്ധം ഇപ്പോൾ വര്ധിച്ച് വരുന്നു. നിയമപരമായ പ്രത്യാഘാതങ്ങള് എന്തെന്ന് കുട്ടികള്ക്ക് വ്യക്തമായി അറിയില്ല . വിദ്യാര്ത്ഥികളില് നിയമാവബോധം സൃഷ്ടിക്കുന്നതില് സര്ക്കാര് പരാജയപ്പെട്ടുവെന്നും കോടതി നിരീക്ഷിച്ചു. പോക്സോ നിയമവും പീഡന കേസുകളുടെ പ്രത്യാഘാതങ്ങള് സംബന്ധിച്ചും സ്കൂളുകളില് ബോധവല്ക്കരണം നിര്ബന്ധമാക്കണമെന്നും ഹൈക്കോടതി നിർദ്ദേശിച്ചു . പാഠ്യപദ്ധതിയില് ഉള്പ്പെടുത്തിക്കൊണ്ടോ, ബോധവല്ക്കരണ ക്ലാസുകള് നടത്തിയോ ഇതിനെതിരെ നടപടികള് കൈക്കൊള്ളാം. വിഷയത്തില് നിലപാടറിയിക്കാന് പൊതു വിദ്യാഭ്യാസ വകുപ്പിനും സിബിഎസ്ഇയ്ക്കും നിര്ദേശം നല്കിയിട്ടുണ്ട്.
Friday, June 10, 2022
0
